كيف نعرف الرجل الفلسطيني ونميزه عن غيرة في العالم

دليل :كيف تعرف الشخص الفلسطيني من بين سكان العالم ؟؟











* أكثر إنسان عنده عضلات قد ما ولاده أكلو منه قتل .








* بس يقعد يتفرج على التلفزيون بيضل ينقل من محطة لمحطة كل دقيقة .






* في خزانة المطبخ عنده عشرين مرطبان مربى فاضي منشان اذا


احتاج يستخدمها ومازال مُصِر على جمع المزيد.









* يتكلم بصوت عالي في المكالمة الدولية منشان التاني يسمعه .






* بيحتفظ بأكياس محلات اللبس والأحذية وورق الهدايا تحت فرشة التخت لسنوات .











*عنده صينية مكسرات مقسمة لتلات او أربع أقسام منشان المزاج لكن لايستخدمها ابدا.






*بيشتري قبل الإفطار في رمضان مواد استهلاكية متوفرة عنده في البيت .









* أول ما يشوف منظر طبيعي وزرع وخضار بصير يحكي بينه وبين حاله ( بدها هش ونش ) .







* بيتخانق ساعة دفع الحساب بحرارة شديدة على إنه هو اللي لازم يدفع.




* بيفرش شرشف التخت على طقم الكنبايات منشان الكنباية ما تتوسخ، ولما

يجوا الضيوف يترك الشرشف وما بشيله.







* بيطفي سيجارتو بفنجان القهوة مع انو في منفضة على الطاولة .





* دايما بدور على الاشي الكويس والرخيص وابن الناس وبموت في اشي اسمه " لقـــطة "







* بفهم بالسياسة ورأيو دايما هو المزبوط وكل العالم خونة والقضية باعوها وقبضو حقها.







* دائما يعيش ضمن الحلم ولا يقبل بان يخرج مما يحلم.







* دايما عامل حاله أكثر واحد عنده كرامه في العالم.





* دايما بوصي اولاده " اوعى الناس تضحك عليك .. واكيد طول انهاره بذل اولاده

وبقولهم شوف ابن فلان احسن منك وعامل مقارنة بينهم وجايب لولاده احباط.







* بتفوت عنده في المطبخ راح تلاقي " تنكة زيت زيتون" , " نصية جبنة " ,

" تنكة زتون غير المراتبين اللي فيها زتون " بالاضافة للاعشاب

هاي " زعتر نوعين عالاقل , ميرامية

وبكون حاططهم في خيشه , انواع متفرقة من الاعشاب " لكي

يمارس الطب فيها على البشر.







* اكلاته المفضلة " قلاية البندورة" واكيد لازم يدعي انه مافي حدى بيعرف يعملها زيوو

ودائما بيفتخر فيها وبيفتخر في قرنين الفلفل اللي بيحطهم عليها

وبضل يحكي عنهم قديش بيحرقو وتعتبر من الاكلات اللي بتناسب جميع الأوقات وكل

الاماكن يعني ممكن يفطر او يتعشى او يتغدى عليها كلو بصير مع قلاية البندورة

لامستحيل ابدا, طبعا بالاضافة للاكلات الاخرى زي المجدرة , شوربة العدس وطبعا بيحاول

يفهم اولاده دايما على السفرة قديش هي مفيدة واذا واحد رد عليه وقلو اللحمة يابه

كمان مفيده بظربه قتله وبقوله قوم عن السفرة على اساس انه طارده من على سدر منسف

واكيد اخوانه بصيرو يطلعو عليه وبستجريش حدا يحكي مرة ثانية على الاكل انو مش زاكي.







* "قتلة الاولاد ماقبل النوم" هي بمثابة قصة ماقبل النوم عند الشعوب الاخرى

لان القتل قبل النوم هو اسهل وسيلة فعالة للنوم السريع علشان هيك بس يكبرو

اولاده بتمسحو وببطلو يحسو بالقتل اللي بوكلوه وطبعا لازم هو ومرتو يفتخرو

قدام الناس ويحكو عن القتلة اللي الاب طعماها لابنو والمصيبة

انو الابن بكون بسمع ومبسوط انهم بحكو عنو .







* كل مايشوف محل شغال كويس بصير يحسب للمحل قديش بطلع في الشهر

واكيد تراوده " في احلام اليقضه " فكرة انو بدو يفتح محل وبدو يعمل مشروع

كل ماشاف واحد صار معاه شوية مصاري وبضل طول عمره يحلم ويفكر قي هالاشي

ولاكن تبقي كلها في احلام اليقضة تتوارثها الاجيال جيل بعد جيل







* لازم كل مايروح اجازة على الاردن او يمر منها يروح على مطعم هاشم وعلى

حلويات حبيبة اللي في وسط البلد اعتقادا منه انه همه تحديدا احسن ناس

بتعمل اكل وعلشان بس يطلع من الاردن يحكي اني رحت.







* طبعا في المجلس دائما بتكلم عن الفرص اللي صحتلو زي قطعة الارض

اللي نعرضت عليه قبل عشر سنين وكان سعر المتر دينار وهسة سعر المتر 5000 دينار

وانو نعرض عليه جبل كامل بعشرين ليرة بس هو ما رضي فيه وهسة طبعا

الجبل هادا هو بكون الجبيهة والا عبدون والا الشميساني .

صح كلامك وعن جد ضحكتني كتييييييييييييييييير وحضرتني شغله صارت معي شخصيا كنا طالعين ع منتزه بالسعوديه والقعده تاعتو بتسوى الدنيا بس شو بدو تزبيط كتير
فحكيت يا الله شو بدو تزبيط هالمكان بصير جنه فصديق النا حكى بتعرفي هاد اديش بطلع باليوم؟؟؟؟؟؟؟؟مش اقل من 8000ريال ((طبعا بس قسم العائلات لأن هون ما في اختلاط
))يبقى بقدر يعمل ديكورات قصور وع قصة شوربة العدس حدث ولا حرج كلي ياماما منها فيها حديد وبتلاقي الصغار بطلعوا بصحنهم بدوروا ع الحديد؟؟؟وينو؟؟؟وع سيرة مطعم هاشم فأنا شخصيا مبسوطه كتييييييييييير احزر ليش؟؟واخيرا هون بالمدينه المنوره فتح فرع الو وشرطك كل شوي منروح نجيب عشا منو وخصوصا الفلافل المحشي ببصل وسماق....عن جد عن جد انت خطييييير وذكرتني ...كان بابا بس يروح يجيب عشا يعني فلافل وحمص وفول لازم قبل ما يطلع يحكيلنا قطعو خيار وبندوره ع جيتي...ولما نقوم نحضر عشا ونقلي جبنه نابلسيه لازم ولا بد نقطع بطيخ ولا ما بصير للجبنه طعم ولازم قلاية البندوره وتكون فيها حبة تومه كامله يعني 15 فص توم....بس بتعرف بعد اكلاتنا ما في وبمناسبة الاكل جربوا بس تعملو شوربة عدس تعملو فتوش جمبها وتحطو عالشوربه معلقتين فتوش ودوقوا وادعولي.....بعدين ما تنسى انو اذا كان في نوعين اكل مثلا اكلة مخشي (كوسا بلبن)وملوخيه بكون باكل ملوخيه وبعدها بحط مخشي بنفس الصحن ع الملوخيه وبقاياها ما في مشاكل عندو
وماتنسى انو بس ولد من ولادو يعمل اشي غلط بسب عليه بحكيلو (يلعن ابوك يا ابن الكلب)وهوي مو عارف انو بسب ع حالو والمشكله انو ابنو بصير يعيط طب ليه بتعيط مهو بسب ع حالو....عن جد شكرا زكرتني بشغلات حلوه كتيييييييييييير وياريت دايما تضحكنا هيك

شكرا لمرورك اهرام ثلاث وشكرا لمرورك ايها المرعاوي ومالها جلسات كبار السن اذا حكايات فلسطينية قديمة اخذوها من السنه كبار السن قبل ايام وعملو منها كتاب اسمو حكايات فلسطينية وتم عرضه وسرد حكاياته في مهرجان القدس عاصمة الثقافة العربية