كيف صرط طنط الجزء(1)

من طرف Ahram3 الجمعة أكتوبر 16, 2009 11:52 am

كزبك حلووووووووو شو حلو لمااااا.. ابصر شو ابصر شو ... والحلو فيك انو كذبك بتصدق هييييك خلييييك

هاي اغنية لوحدة اسمها بسبسيس والا بلبسيس والا مش عارف المهم الها علاقة بالبسس [

انو الكذب هسه صار حلو وبجنن وصار الشب الكذاب بجنن وحولتو هالخصلة السيئة لأشي منيح !!! لو بعرف هيك ما تورطت الورطة اللي انا فيها

هاظ اللي صار انو انا زلمة بستحي من البنات وبعرفش كيف احكي مع البنت ... يعني اذا بنت بتمر من جنبي بستحي ... وكان امنية حياتي اني احكي مع بنات والبنات يصيروا يحبوني ...

بيوم من الايام رن علي توتو ( توتو : صاحبي عرفتو بالجامعة .. شب حلو كثير ومن جماعة الايطالي والساحل والواكس ) المهم رن علي وقاللي تعالي عندي عالدار تغدا عندي وبعديها بنطلع انا واياك نطش ....

انا بصراحة من زمان نفسي اني اختلي فيه بدارهم .... قصدي يعني اني اتعرف على اهلو

والله لبست كالعادة قميص الشغل واللي هو نفسو قميص الجامعة والمناسبات الرسمية لأنو ما حيلتي غيرو ... والبنطلون اللي كان اسود أول ما اشتريتو والمشد على الايد مشات ابين اني دواوين وحطيت لزقة على خشومي .... قال يعني باقي عامل طوشة ومش فارقة معي .... والموس بالجيبة الورانية جنب المحفظة ..... وجبت زرادية وشديت فيها على شحمة ذاني اليمين ... مشان الناس تفكرني ((( قارط ذاني من الدواوين ))) .....

[size=16]نزلت عالشارع مشان اركب باص الرصيفة - عمان ويطلع الباص فظي وبستنى ركاب .... اخر اشي زهق وما طلع حدا فقرر انو ينطلق براكب وحيد هو انا .... طبعا انا لازم احمّي شوي بالدواوين مشان اوصل رغدان جاهز وما يصير معي تشنجات دواوينية ... صرت قال افتح الشباك بصوت عالي ...( يعني اخبطو خبط ) وارفع اجري عالكرسي ومن هالحكي ... وكل ما اطلع عالكنترول اجحرو واصفن فيه وهو يخاف ويلف وجهو ... اجا وقت الكنترول بدو يوخد الاجار ... انا قلت هسه رح يخاف ويسامحني اجا علي ووقف جنب الكرسي وقاللي بصوت دواويني واطي ((( قبل ما تنزل من الباص بتلم كل الوسخ اللي بالباص وبتسكر الستاير والا وعرظظظ اووختييي بدبك عشفايفك ))) اعطيتو الاجرة دينار مع انها ثلاثين قرش ... ومسحتللو قزاز الباص وكندرتو كانت وسخة ... برضو ما قصرت بهالخصوص ... ونزلت وركااااااااااااااااااااااااااااظ بعدت عن الباص ...

يا سييييييدي شو هالمزّة اللي ماشية قدامي ..صرت ازت حكي ...((( امشي عرمشي وطيري عمناخيري وهدّي على خدّي .... الحلو موز بلدي والا صومالي ؟ لأ اكيد صومالي مبين من الطعجة ... لك شو هالطعجة يا نعجة وشو هالقصة يا حصّة وشو هاللفة يا ابو شفة .... لك حرّك شفايفك مش شايفك ...)))

الحمد لله رب العالمين انو الدفتر اللي كانت حاملتو ما كان فيه سلك ... والا كان علم على وجهي وقتها ... يعني ظربة الدفتر لحالو عادي ... من غير تعليمة ... بس ذايقني انو علمت على وجهي كلمة ( 6 subject ) ولهسة مش عارف شو معناها

توتو كان بستناني بسيارتو عالشارع برا رغدان ومعو شبين صحابو بالسيارة واحد قاعد قدام اسمو سوسو وواحد قاعد ورا اسمو ميمي ... وانا طبعا قعدت جنب ميمي ..... بس شو هالميمي والله بطقع لألف واحد زي توتو .. حلاوة ونعومة ومياعة واشي بشلق

توتو : لك حموزة ليه تأخرت كتيير ئلئنا عليك بس ان شالله ما يكون صار شي معكون انتا وبابا عالتريء ؟؟انا : بابا ؟!؟!؟!؟ شو دخل ابوي بالموظوع يزلمة
سوسو : لك مش باباك اللي وصلك لهونيي؟
انا : ااااه ... اه طبعاً باباي اكيد حتى كان بدو يسلم عليكو بس مستعجل شوي
توتو : ييييييييي يخسارة كان ئولتللو ييجي عنّا كان عرفتو على مامي

هلا عمي ...والله غير ابوي يرظى علي اذا بعرفو على ام توتو ... اذا توتو هيك كيف امو ....

التفتت لميمي وحكتللو : ايش يا حصطي شو مالك صامط احكيلك كلمة بدل منتا قـاعد لحالك زي المشرط اللي خالصة شفراتو ...

ميمي : مش ئادر والله راسي كتيير عم يوجعني ... بس انا الحئ علي ... ماما الصبح ئالتلي اشرب كاسة الحليب كلها وانا كبيت نصها وشربت نصها وما رضيت اوكل كورن فليكس عالفتور مشان هيك راسي بيدبحني وجع

طبعا انا وصلت معي لحلقي وصافن في ميمي ومش قادر استوعب النعيم اللي انا فيه ....

لما قربنا نوصل ووصلنا حارة توتو
بيييب بيييب ...

توتو : اوعى يا حيوان فتح أودامك كان ترتشتني بمية الستريت ...
سوسو : يئطعو شو غبي هاد سمسم ابن خالتو تهاني ... والله لئول لخالتو عنو توتو : يييي شوفو مين مش هاي لولو
سوسو : اه اه طلعها معنا اكيد جاي عندكو يا توتو عالبيت ... تعي لولو اطلعي رايحين عند توتو توتو: ئعدها يا حمزة جنبك ..........................

))))))) يتبع الجزء 2

من طرف **المرعا وي** السبت أكتوبر 17, 2009 5:47 am

انا بتشكرك على الموضوع الجميل الرائع ...... حقيقي الموضع كثير رائع وكثير الو اهداف وكمان روح الفكاهه فيه حلوه لابعد الحدود
مره تانيه انت رائع/ رائعه
مع تحيات
المرعاوي

واو القصة شدتني يسلمو الادين اللي كتبت القصة البداية شدتني.

كيف صرط طنط الجزء(1)

كيف صرط طنط الجزء(1)

رد: كيف صرط طنط الجزء(1)

رد: كيف صرط طنط الجزء(1)