كيف صرط طنط(3)

من طرف Ahram3 الإثنين أكتوبر 19, 2009 1:21 pm

أول ما سكر توتو الباب وحكالي انو ابتداءً من هاي اللحظة رح تتغير حياتك .. اخدت حكيو عادي وما اكترثت بالموضوع وحكتللو كمل كمل خلصني ....

اول اشي فوتني عالحمام بالخاوة وبألف كندرة ترظيت افوت ... انا مفكر اشي وطلع هو بدو يساوي اشي ثاني ...:shy: خلاني اتحمم بالسلكة وجاب سكينة قعد يكحت فيي ويحت ويحت وحسيت حالي مثل الجزرة اللي بننظف فيها ... المهم طلعت من الحمام بظوي ظوي :-emb:

لبسني فانيلا بيظا من عندو وجابلي قميص ستان بلمع لمع ... لسا قديش انا طلعت من الحمام بظوي لسة القميص لمعتو اظوى مني .... وتناول بنطلون برمودا كروهاتحزق لزق وظيييييق :mob: وكلشي محزز :sc:

بعدين تناول علبة بودرا وبلش يلغمط بوجهي وكل شوي يفتح علبة كريم ويلغمط .... عليم الله حسيت حالي بودي سيارة وبجلّسلي فيه :

حضرني قول الشاعر :

أطعجةٌ طعجت ام البودي مفتوول ........ ام ظربتون بالشصي او الماتور بدو افرهووول
يلغمطني الطنط توتو بكل لطف ...... واعجب من قسوة الاسفنجة على عضله بذهوول
سيمحو كل رجولتي ويسرق مني ...... موسي وشفرتي ومشرطي المصدي المجدول
سيجعلني من بعد الطنط شيئاً غريبا ..... يطلق عليه الطنطات اسم " كووووول "

طبعا استمرت اعاده الهيكلة وتشكيل سحنتي بشكل طنط ساعتين ونص ووصل اخيرا لمرحلة الشعر ....

تناول اول علبة واكس وغرف نصها بايدو اليمين ونصها الثاني بايدو الشمال وبلش يفرك يفرك وغرزهن بشعراتي مثل الحجات لما يحطن اصابعهن وهنه بنكّن عدس مجروش أو رز :-h:

المهم صار يمسك خصلة شعر ويلفلفها ويرفعها لفوق وانا بتطلع عالمراي ومتفاجيء من اللي قاعد بصير .... الخصلة بتوقف بالهوا لحالها من غير اي عمدان أو صبة اسناد أو اي وسيلة مساعدة اخرى غير الاتصال بصديق :eek:

وبالفعل اتصلت بصديقي الرصيفاوي شفيق ابو شفة وحكتلو اسمع يا ابو زلطة ترى اكتشفتللك طريقة جديدة رح تريحك كثير بالطوبار وبدي اخليك توفر على حالك اجرة عمدان الحديد اللي بترفعو فيهن صبة السقف وشكرني كثير ووعدني يقدملي هدية ابرة للدق على الايدين مع علبة حبر صيني ...

انتهى توتو من انشاء قاعدة بيانات جديدة طنطية وحذف الداتابيس الزعرنجية من دماغي واطلقني الى الرفاق .... ورحنا الى ميمي وسوسو ولولو وام توتو ...

طبعاً اول ما شافوني كلهم انصعقو وزي المش مصدقين :eek:

سوسو :أن بيليفابل :eek:
ميمي : امبوسيبل :eek:
لولو : مش معئوووول
ام توتو : ركاظ علي وعبطتني :shy::sc:

وبلشو فيي شو هالكول شو هالنايس وشو هالديفرنت ومصطلحات ما انزل الله بها من سلطان :*oh:

بعد ما صارت الدنيا مغرب واجيت بدي اروّح ... وشوشت خالتو ام توتو توصلني ئبل ما الدنيا تعتم لأنو كتير بخاف من العتمة .

وصلتني خالتو على رغدان وراحت وانا بلشت احس اني بعيش بجو رعب ...

ركبت بباص اسكان طلال ويا ريتني ما ركبتو cry

لما وصلت الباص كان الباص تملى والا الكنترول بحكي يا شباب حدا يكون يقعد هالحليوة cry

طبعا الشباب ما صدقت كل الباص قام مشان يقعدني وكلهم قعدو يحكولي تع اقعد .. تعال اقعد cry

اخترت كرسي مفرد وقعدت فيه وانا خااااايف ... والشب اللي قعدت مكانه وقف جنبي وكل شوي يعمل حالو خبط فيي مش بالعمدن ويحكيلي اسف يا حلو ... سوري يا قمر cry
الكنترول وهو بلم بالاجرة وصل عندي وبحكيلي اجارك واصل .. فصرت اتطلع يمين وشمال انو مين هاللي دفع عني بس ما لقيت حدا بعرفو ... والا الكنترول بحكيلي لأ الشوفير قلي ما اوخذش منك crycry

ما سدئت على الله اوصل الموئف ونزلت من الباص وركاااااد عالبيت وأول ما فتت الحارة لئيت رفئاتي كلهم متجمعين وأول ما حسيت انو بدهم يعلئو علي ئلتلهم استحو يا حيوانين انتو ما عندكو خوان تنتات تخافو عليهم :mob:

ووصلت البيت وايدي على ألبي ... مديت ايدي بالصدفة على جيبتي الا الائي ورئة ... فتحتها وكأنها ورئة حساب لأربعة كانو يلعبو شدة

صادق ( سوسو ) حمدان ( ميمي ) عبد الفتاح ( توتو ) حلمية ( لولو )

ومديت ايدي بالجيبة الورانية ويطلع توتو ناسي محفظتو بالجيبة ... تطلعت على اسم الام :eek:

:eek: رهيجة :eek: كيف صرط طنط(3) Icon_tongue

ههاي طلعوا الطنطات من بدو الاردن حكاية بتجنن مسكين حمزة كان فاكر انهم كوول لانهم ساكنيين بعبدون ,وانه نوري لانه من سكان الرصيفة,والله انهم هم المحدثين نعمة ومش شافين خير ,اتلاقيهم اخر الاسبوع بيروحوا يرعوا البوش(قطيع الغنم)في الطفيلة,يامحلى الكرك واهلها جنبهم. عن جد الحكاية كوول روعة,شكرا يابت ياأهرام3

من طرف **المرعا وي** الثلاثاء أكتوبر 20, 2009 4:47 am

والله يا اهرام انك روعه... موضوعك جميل والو عبره.... شكرا كثير ... ربنا لا يحرمنا من مواضيعك الحلوه .
شكر
مع تحيات
المرعاوي

كيف صرط طنط(3)

كيف صرط طنط(3)

رد: كيف صرط طنط(3)

روعه ...